ਕਲਾਸ 101-401
ਜੁੜੋ। ਵਧੋ। ਸੇਵਾ ਕਰੋ। ਸਾਂਝਾ ਕਰੋ।
ਕਲਾਸ ਕੀ ਹੈ?
ਰਿਕ ਵਾਰਨ ਦੁਆਰਾ ਤਿਆਰ, ਕਲਾਸ ਚੇਲਾਪਣ ਪ੍ਰੋਗਰਾਮ ਤੁਹਾਡੀ ਕਲੀਸਿਆ ਦੇ ਲੋਕਾਂ ਨੂੰ ਆਤਮਿਕ ਤੌਰ ਤੇ ਵਧਾਉਣ ਦਾ ਇੱਕ ਪ੍ਰਮਾਣਿਤ ਰਸਤਾ ਹੈ।
- ਕਲਾਸ ਆਤਮਿਕ ਕਾਇਆ-ਕਲਪ ਵੱਲ ਲੈ ਕੇ ਜਾਂਦੀ ਹੈ - ਆਪਣੇ ਲੋਕਾਂ ਨੂੰ ਵਚਨ ਦੇ ਸੁਣਨ ਵਾਲੇ ਅਤੇ ਨਾਲ ਹੀ ਇਸ ਦੇ ਅਨੁਸਾਰ ਕਰਨ ਵਾਲੇ ਵੀ ਬਣਾਓ।
- ਕਲਾਸ ਸਮੇਂ ਦੀ ਕਸੌਟੀ ’ਤੇ ਪਰਖੀ ਹੋਈ ਹੈ — ਸੈਡਲਬੈਕ ਕਲੀਸਿਯਾ ਵਿੱਚ ਅਤੇ ਦੁਨੀਆਂ ਭਰ ਦੀਆਂ ਛੋਟੀਆਂ-ਵੱਡੀਆਂ ਹਜ਼ਾਰਾਂ ਹੋਰਨਾਂ ਕਲੀਸਿਯਾਵਾਂ ਵਿੱਚ 35 ਸਾਲਾਂ ਤੋਂ ਵੱਧ ਸਮੇਂ ਤੋਂ ਸਿਖਾਈ ਜਾ ਰਹੀ ਹੈ।
- ਕਲਾਸ ਨੂੰ ਪੂਰੀ ਤਰ੍ਹਾਂ ਆਪਣੇ ਹਿਸਾਬ ਨਾਲ ਢਾਲਿਆ ਜਾ ਸਕਦਾ ਹੈ - ਅਸੀਂ ਸਰਲਤਾ ਨਾਲ ਇਸਤੇਮਾਲ ਕੀਤੀਆਂ ਜਾ ਸਕਣ ਵਾਲੀਆਂ ਫਾਈਲਾਂ ਮੁਹੱਈਆ ਕਰਾਉਂਦੇ ਹਾਂ ਜਿਨ੍ਹਾਂ ਵਿੱਚ ਤੁਸੀਂ ਆਪਣੀ ਕਲੀਸਿਯਾ ਦੀਆਂ ਲੋੜਾਂ ਅਨੁਸਾਰ ਫੇਰਬਦਲ ਕਰਕੇ ਢੁਕਵਾਂ ਬਣਾ ਸਕਦੇ ਹੋ।
ਆਪਣੇ ਦੋਸਤਾਂ ਨਾਲ ਸਾਂਝਾ ਕਰੋ!
ਕਲਾਸ ਪਾਠਕ੍ਰਮ ਚਾਰ ਕਲਾਸਾਂ ਨੂੰ ਮਿਲਾ ਕੇ ਬਣਿਆ ਹੈ:
- 101: ਆਪਣੇ ਕਲੀਸਿਯਾ ਪਰਿਵਾਰ ਦੀ ਖੋਜ ਕਰਨਾ
- 201: ਆਪਣੀ ਆਤਮਿਕ ਪਰਿਪੱਕਤਾ ਦੀ ਖੋਜ ਕਰਨਾ
- 301: ਆਪਣੀ ਸੇਵਕਾਈ ਦੀ ਖੋਜ ਕਰਨਾ
- 401: ਆਪਣੇ ਜੀਵਨ ਦੇ ਉਦੇਸ਼ ਦੀ ਖੋਜ ਕਰਨਾ
ਹਰੇਕ ਕਲਾਸ ਦੇ ਸਾਧਨਾਂ ਵਿੱਚ ਇੱਕ ਸਿੱਖਿਅਕ ਨਿਯਮਵਾਲੀ ਅਤੇ ਇੱਕ ਸਹਿਭਾਗੀ ਨਿਯਮਾਵਲੀ ਸ਼ਾਮਲ ਹੈ। ਸਿੱਖਿਅਕ ਨਿਯਮਾਵਲੀ ਵਿੱਚ ਰਿਕ ਵਾਰਨ ਵੱਲੋਂ ਸਿਖਾਉਣ ਲਈ ਸੁਝਾਅ ਅਤੇ ਪ੍ਰਤੀਲਿਪੀਆਂ ਦਿੱਤੀਆਂ ਗਈਆਂ ਹਨ। ਸਹਿਭਾਗੀ ਨਿਯਮਾਵਲੀ ਵਿੱਚ ਮੁੱਖ ਨੁਕਤੇ, ਬਾਈਬਲ ਦੀਆਂ ਆਇਤਾਂ ਅਤੇ ਨੋਟਸ ਮੁਹੱਈਆ ਕਰਾਏ ਗਏ ਹਨ।
ਆਪਣੇ ਦੋਸਤਾਂ ਨਾਲ ਸਾਂਝਾ ਕਰੋ!
ਹਰੇਕ ਕੋਰਸ ਤੋਂ ਕੀ ਉਮੀਦ ਕਰਨੀ ਹੈ:
ਕਲਾਸ 101
ਇਹ ਕੋਰਸ ਲੋਕਾਂ ਨੂੰ ਬਪਤਿਸਮੇ ਅਤੇ ਕਲੀਸਿਯਾ ਦੀ ਸਦੱਸਤਾ ਦੀ ਮਹੱਤਤਾ ਸਮੇਤ ਮਸੀਹਤ ਦੀਆਂ ਮੂਲ ਗੱਲਾਂ ਨੂੰ ਸਮਝਣ ਵਿੱਚ ਮਦਦ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਵਿਸ਼ੇਸ਼ ਤੌਰ ’ਤੇ ਨਵੇਂ ਮਸੀਹੀਆਂ ਲਈ ਜਾਂ ਉਨ੍ਹਾਂ ਲਈ ਮਦਦਗਾਰ ਹੋ ਸਕਦਾ ਹੈ ਜੋ ਪਹਿਲੀ ਵਾਰ ਮਸੀਹਤ ਦੀ ਖੋਜ ਕਰ ਰਹੇ ਹਨ।
ਕਲਾਸ 201
ਇਹ ਕੋਰਸ ਆਤਮਿਕ ਵਿਕਾਸ ’ਤੇ ਧਿਆਨ ਦਿੰਦਾ ਹੈ ਅਤੇ ਇੱਕ ਮਜ਼ਬੂਤਪ੍ਰਾਰਥਨਾ ਜੀਵਨ ਵਿਕਸਤ ਕਰਨ, ਬਾਈਬਲ ਨੂੰ ਸਮਝਣ ਅਤੇ ਦੂਜੇ ਵਿਸ਼ਵਾਸੀਆਂ ਨਾਲ ਸੰਬੰਧ ਕਾਇਮ ਕਰਨ ਲਈ ਸਾਧਨ ਪ੍ਰਦਾਨ ਕਰਦਾ ਹੈ। ਇਹ ਉਨ੍ਹਾਂ ਲਈ ਮਦਦਗਾਰ ਹੋ ਸਕਦਾ ਹੈ ਜੋ ਆਪਣੀ ਨਿਹਚਾ ਨੂੰ ਡੂੰਘਾ ਕਰਨਾ ਚਾਹੁੰਦੇ ਹਨ ਅਤੇ ਆਪਣੀ ਆਤਮਿਕ ਯਾਤਰਾ ਲਈ ਇੱਕ ਮਜ਼ਬੂਤਨੀਂਹ ਰੱਖਣਾ ਚਾਹੁੰਦੇ ਹਨ।
ਕਲਾਸ 301
ਇਹ ਕੋਰਸ ਤੁਹਾਡੀ ਕਲੀਸਿਯਾ ਅਤੇ ਭਾਈਚਾਰੇ ਵਿੱਚ ਦੂਜਿਆਂ ਦੀ ਸੇਵਾ ਕਰਨ ਲਈ ਤੁਹਾਡੀਆਂ ਵਿਲੱਖਣ ਯੋਗਤਾਵਾਂ ਅਤੇ ਹੁਨਰਾਂ ਨੂੰ ਖੋਜਣ ਅਤੇ ਇਸਤੇਮਾਲ ਕਰਨ ’ਤੇ ਕੇਂਦਰਿਤ ਹੈ। ਇਹ ਉਨ੍ਹਾਂ ਲਈ ਮਦਦਗਾਰ ਹੋ ਸਕਦਾ ਹੈ ਜੋ ਆਪਣੀ ਕਲੀਸਿਯਾ ਦੇ ਰੁਝੇਵਿਆਂ ਵਿੱਚ ਹੋਰ ਜ਼ਿਆਦਾ ਸ਼ਾਮਲ ਹੋਣਾ ਚਾਹੁੰਦੇ ਹਨ ਅਤੇ ਦੂਜਿਆਂ ਦੇ ਜੀਵਨ ਵਿੱਚ ਫ਼ਰਕ ਲਿਆਉਣਾ ਚਾਹੁੰਦੇ ਹਨ।
ਕਲਾਸ 401
ਇਹ ਕੋਰਸ ਤੁਹਾਡੇ ਵਿਸ਼ਵਾਸ ਨੂੰ ਦੂਜਿਆਂ ਨਾਲ ਸਾਂਝਾ ਕਰਨ ਅਤੇ ਇੱਕ ਅਜਿਹਾ ਚੇਲਾ ਬਣਨ ’ਤੇ ਧਿਆਨ ਦਿੰਦਾ ਹੈ ਜੋ ਹੋਰਾਂ ਨੂੰ ਚੇਲੇ ਬਣਾਉਂਦਾ ਹੈ। ਇਹ ਉਨ੍ਹਾਂ ਲਈ ਮਦਦਗਾਰ ਹੋ ਸਕਦਾ ਹੈ ਜੋ ਖੁਸ਼ਖਬਰੀ ਨੂੰ ਸਾਂਝਾ ਕਰਨ ਅਤੇ ਦੂਜਿਆਂ ਨੂੰ ਉਨ੍ਹਾਂ ਦੇ ਵਿਸ਼ਵਾਸ ਵਿੱਚ ਵਧਣ ਵਾਸਤੇ ਮਦਦ ਕਰਨ ਵਿੱਚ ਵਧੇਰੇ ਪ੍ਰਭਾਵਸ਼ਾਲੀ ਬਣਨਾ ਚਾਹੁੰਦੇ ਹਨ।
ਆਪਣੇ ਦੋਸਤਾਂ ਨਾਲ ਸਾਂਝਾ ਕਰੋ!
ਜਦੋਂ ਤੁਹਾਡੀ ਕਲੀਸਿਯਾ ਰਿਕ ਵਾਰਨ ਦੀ ਕਲਾਸ ਕੋਰਸ ਸਮੱਗਰੀ ਨੂੰ ਇਸਤੇਮਾਲ ਕਰਨਾ ਸ਼ੁਰੂ ਕਰੇਗੀ ਤਾਂ ਤੁਸੀਂ ਇਨ੍ਹਾਂ ਫਾਇਦਿਆਂ ਦਾ ਅਨੁਭਵ ਕਰੋਗੇ:
ਤੁਹਾਡੇ ਮੈਂਬਰਾਂ ਦੀ ਅਧਿਆਤਮਿਕ ਪਰਿਪੱਕਤਾ ਨੂੰ ਡੂੰਘਾ ਕਰਨਾ
ਇਹ ਕੋਰਸ ਪੇਸ਼ ਕਰਨ ਨਾਲ ਤੁਹਾਡੀ ਕਲੀਸਿਯਾ ਦੇ ਮੈਂਬਰਾਂ ਲਈ ਉਨ੍ਹਾਂ ਦੇ ਵਿਸ਼ਵਾਸ ਵਿੱਚ ਵਧਣ ਅਤੇ ਪਰਮੇਸ਼ੁਰ ਨਾਲ ਇੱਕ ਡੂੰਘਾ ਰਿਸ਼ਤਾ ਵਿਕਸਿਤ ਕਰਨ ਦੇ ਮੌਕੇ ਮੁਹੱਈਆ ਹੁੰਦੇ ਹਨ। ਇਸ ਦੇ ਨਤੀਜੇ ਵਜੋਂ ਕਲੀਸਿਯਾ ਆਤਮਿਕ ਤੌਰ ’ਤੇ ਇੱਕ ਵਧੇਰੇ ਪਰਿਪੱਕ ਕਲੀਸਿਯਾ ਬਣ ਜਾਂਦੀ ਹੈ ਜੋ ਜੀਵਨ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਅਤੇ ਤੁਹਾਡੇ ਆਲੇ-ਦੁਆਲੇ ਦੇ ਸੰਸਾਰ ਉੱਤੇ ਸਕਾਰਾਤਮਕ ਪ੍ਰਭਾਵ ਪਾਉਣ ਲਈ ਬਿਹਤਰ ਤਿਆਰ ਹੁੰਦੀ ਹੈ।
ਮੈਂਬਰਾਂ ਨੂੰ ਸੇਵਕਾਈ ਲਈ ਤਿਆਰ ਕਰਨਾ
ਕਲਾਸ 201 ਅਤੇ ਕਲਾਸ 301 ਵਿੱਚ, ਤੁਹਾਡੀ ਕਲੀਸਿਯਾ ਦੇ ਮੈਂਬਰ ਦੂਜਿਆਂ ਦੀ ਸੇਵਾ ਕਰਨ ਦੇ ਉਦੇਸ਼ ਲਈ ਆਪਣੀਆਂ ਵਿਲੱਖਣ ਯੋਗਤਾਵਾਂ ਅਤੇ ਹੁਨਰਾਂ ਦੀ ਪਛਾਣ ਕਰਨਗੇ ਅਤੇ ਉਨ੍ਹਾਂ ਨੂੰ ਵਿਕਸਿਤ ਕਰਨਗੇ। ਇਸ ਦੇ ਨਤੀਜੇ ਵਜੋਂ ਮੰਡਲੀ ਵਧੇਰੇ ਰੁਝੇਵਿਆਂ ਭਰੀ ਅਤੇ ਸਰਗਰਮ ਬਣੇਗੀ ਜੋ ਤੁਹਾਡੇ ਭਾਈਚਾਰੇ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਬਿਹਤਰ ਤਿਆਰ ਹੋਵੇਗੀ।
ਕਮਿਊਨਿਟੀ ਦੀ ਇੱਕ ਮਜ਼ਬੂਤਭਾਵਨਾ ਬਣਾਉਣਾ
ਜਦੋਂ ਤੁਸੀਂ ਇੱਕ ਛੋਟੇ ਸਮੂਹ ਵਾਲੇ ਢਾਂਚੇ ਵਿੱਚ ਕਲਾਸ ਦੀ ਪੇਸ਼ਕਸ਼ ਕਰਦੇ ਹੋ, ਤਾਂ ਤੁਹਾਡੀ ਕਲੀਸਿਯਾ ਤੁਹਾਡੇ ਮੈਂਬਰਾਂ ਦਰਮਿਆਨ ਇੱਕ ਮਜ਼ਬੂਤਭਾਈਚਾਰੇ ਨੂੰ ਉਤਸ਼ਾਹਿਤ ਕਰੇਗੀ। ਇਸ ਦੇ ਨਤੀਜੇ ਵਜੋਂ ਡੂੰਘੇ ਰਿਸ਼ਤੇ ਅਤੇ ਆਪਸੀ ਸਾਂਝ ਦੀ ਵਧੇਰੇ ਭਾਵਨਾ ਪੈਦਾ ਹੋਵੇਗੀ, ਜੋ ਤੁਹਾਡੀ ਕਲੀਸਿਯਾ ਦੀ ਸਮੁੱਚੀ ਸਿਹਤ ਨੂੰ ਮਜ਼ਬੂਤਕਰਨ ਵਿੱਚ ਮਦਦ ਕਰੇਗੀ।
ਖੁਸ਼ਖਬਰੀ ਪ੍ਰਚਾਰ ਨੂੰ ਉਤਸ਼ਾਹਿਤ ਕਰਨਾ
ਕਲਾਸ 401 ਤੁਹਾਡੇ ਮੈਂਬਰਾਂ ਨੂੰ ਉਨ੍ਹਾਂ ਦੇ ਵਿਸ਼ਵਾਸ ਨੂੰ ਸਪੱਸ਼ਟ ਅਤੇ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਸਾਂਝਾ ਕਰਨ ਲਈ ਤਿਆਰ ਕਰੇਗੀ। ਇਸ ਦੇ ਨਤੀਜੇ ਵਜੋਂ ਇੱਕ ਵਧੇਰੇ ਖੁਸ਼ਖਬਰੀ ਪ੍ਰਚਾਰ ਕਰਨ ਵਾਲੀ ਕਲੀਸਿਯਾ ਬਣੇਗੀ ਜੋ ਦੂਸਰਿਆਂ ਨੂੰ ਪਰਮੇਸ਼ੁਰ ਨਾਲ ਰਿਸ਼ਤੇ ਵਿੱਚ ਲਿਆਉਣ ਲਈ ਸਰਗਰਮੀ ਨਾਲ ਕੋਸ਼ਿਸ਼ ਕਰ ਰਹੀ ਹੋਵੇਗੀ।
ਵਿਕਾਸਸ਼ੀਲ ਆਗੂ
ਕਲਾਸ 301 ਅਤੇ ਕਲਾਸ 401 ਵਿੱਚ, ਤੁਹਾਡੀ ਕਲੀਸਿਯਾ ਅਜਿਹੇ ਆਗੂ ਵਿਕਸਿਤ ਕਰੇਗੀ ਜੋ ਵੱਖ-ਵੱਖ ਸੇਵਕਾਈ ਭੂਮਿਕਾਵਾਂ ਵਿੱਚ ਸੇਵਾ ਕਰਨ ਲਈ ਤਿਆਰ ਹੋਣਗੇ। ਇਸ ਦੇ ਨਤੀਜੇ ਵਜੋਂ ਇੱਕ ਵਧੇਰੇ ਸਮਰੱਥ ਅਤੇ ਪ੍ਰਭਾਵਸ਼ਾਲੀ ਲੀਡਰਸ਼ਿਪ ਟੀਮ ਬਣੇਗੀ ਜੋ ਭਵਿੱਖ ਵਿੱਚ ਤੁਹਾਡੀ ਕਲੀਸਿਯਾ ਦੀ ਅਗਵਾਈ ਕਰਨ ਲਈ ਤਿਆਰ ਹੋਵੇਗੀ।
ਆਪਣੇ ਦੋਸਤਾਂ ਨਾਲ ਸਾਂਝਾ ਕਰੋ!