పాస్టర్ రిక్ వారెన్ గురించి

40 సంవత్సరాలకు పైగా పాస్టర్ రిక్ వారెన్ ప్రపంచవ్యాప్త సంఘానికి నమ్మకమైన కాపరిగా సేవ చేస్తున్నారు. విశ్వాసములో ఎదగడానికి, తమ జీవితాల కోసం దేవుని ఉద్దేశాలను కనుగొనడానికి ఆయన అనేకమందికి తోడ్పడుతున్నారు.

అనుదిన ధ్యానం పొందండి అనుదిన ధ్యానం పొందండి

193+

దేశాలకు చేరిక

34K+

రక్షణ పొందిన వ్యక్తులు

1M+

శిక్షణ పొందిన పాస్టర్లు

పాస్టర్

పాస్టర్

ప్రజలు దేవుని తెలుసుకోవాలి, విశ్వాసములో ఎదగాలి అనే సాధారణ ఆకాంక్షతో పాస్టర్ రిక్ వారెన్, ఆయన భార్య కే 1980లో సాడిల్‌బ్యాక్ చర్చిని స్థాపించారు. అదే పిలుపు సంవత్సరాలుగా ఉద్దేశపూర్వక నెట్‌వర్క్, అనుదిన నిరీక్షణ, PEACE ప్రణాళిక, మానసిక ఆరోగ్యం కోసం నిరీక్షణ వంటి పరిచర్యలకు దారితీసి, ప్రపంచమంతటా ప్రజలను చేరుకుంది. జాన్ బేకర్‌తో కలిసి పాస్టర్ రిక్ సెలబ్రేట్ రికవరీని ప్రారంభించారు. ప్రజలు నిరీక్షణ, స్వస్థత, నూతన ఆరంభాలు పొందగలిగే స్థలాలుగా సంఘాలు మారాలని ఆయన నిరంతరం ప్రోత్సహిస్తున్నారు.

రచయిత

రచయిత

గత మూడు దశాబ్దాలుగా న్యూయార్క్ టైమ్స్ బెస్ట్ సెల్లర్ జాబితాలో అగ్రస్థానములో నిలిచిన పాస్టర్ రిక్ వారెన్ పుస్తకాలు 200 భాషలలో ప్రచురితమయ్యాయి. లోతైన వేదాంత సత్యాలను తీసుకుని, ప్రతి ప్రాంతములోని సాధారణ ప్రజలకు అర్థమయ్యే రీతిలో వివరించడమే ఈ పుస్తకాల ప్రత్యేకత. ఆయన అత్యంత ప్రసిద్ధ గ్రంథాలైన ఉద్దేశ్యముగల జీవితము మరియు ఉద్దేశ్యముగల సంఘము, పాస్టర్‌లపై జరిగిన జాతీయ సర్వేలలో ( గాలప్, బార్నా గ్రూప్, లైఫ్‌వే నిర్వహించిన సర్వేలు) ముద్రణలో ఉన్న అత్యంత ఉపయోగకరమైన రెండు పుస్తకాలుగా మూడు సార్లు ఎంపికయ్యాయి.

ప్రపంచవ్యాప్త ప్రభావం

ప్రపంచవ్యాప్త ప్రభావం

అమెరికాలో అత్యంత ప్రభావశీలమైన ఆత్మీయ నాయకుడిగా పాస్టర్ రిక్ వారెన్ గుర్తింపు పొందారు. ఈ కాలపు అత్యంత సంక్లిష్టమైన సమస్యలపై ప్రభుత్వ, ప్రైవేటు, విశ్వాస రంగాలలోని జాతీయ, అంతర్జాతీయ నాయకులకు ఆయన క్రమంగా సలహాలు అందిస్తున్నారు. 165 దేశాలలో ఆయన ప్రసంగించారు – ఐక్యరాజ్యసమితి, అమెరికా కాంగ్రెస్, అనేక పార్లమెంట్‌లు, ప్రపంచ ఆర్థిక వేదిక, TED, ఆస్పెన్ ఇన్‌స్టిట్యూట్ వేదికలపై మాట్లాడారు. ఆక్స్‌ఫర్డ్, కేంబ్రిడ్జ్, హార్వర్డ్ వంటి విశ్వవిద్యాలయాలలో ఉపన్యాసాలు ఇచ్చారు.

కార్యనిర్వాహక సంచాలకుడు

కార్యనిర్వాహక సంచాలకుడు

పాస్టర్ రిక్ వారెన్ ఫినిషింగ్ ద టాస్క్ కూటమికి కార్యనిర్వాహక సంచాలకుడుగా సేవ చేస్తున్నారు – ఇది అనేక సంఘ శాఖలు, సంస్థలు, సంఘాలు, వ్యక్తులు కలిసి పనిచేస్తున్న ప్రపంచవ్యాప్త ఉద్యమం. ప్రతి ప్రాంతములోని ప్రతి వ్యక్తికి తన సొంత భాషలో బైబిల్, ఒక విశ్వాసి సాక్ష్యం, స్థానిక క్రీస్తు సంఘం అందుబాటులో ఉండేలా చూడటమే మహా ఆజ్ఞ లక్ష్యంగా ఈ కూటమి పనిచేస్తోంది. 2033 నాటికి సంఘం అంతా సంపూర్ణ సువార్తను సర్వ లోకానికి అందించడమే దీని లక్ష్యం.

సాక్ష్యాలు

మా సమాజం నుండి అనుభవాలు

పాస్టర్ రిక్ వారెన్ బోధనల ద్వారా ప్రపంచవ్యాప్తంగా ఎంతోమంది విశ్వాసములో ఎదిగారు, యేసును మరింత సన్నిహితంగా అనుసరించడం నేర్చుకున్నారు.

మీ కథను పంచుకోండి

అనుదిన నిరీక్షణ నా జీవితం పైనా, దేవుని వైపు నా ఉద్దేశం పైనా నా దృష్టిని మార్చింది.

ఎడెమ్
సంఘ సేవకురాలు

మన ప్రభువైన దేవునియందు నమ్మకం ఉంచేలా విశ్వాసముతో ముందడుగు వేయడానికి మీ మాటలు నాకు సహాయపడ్డాయి!

కాండిస్
సంఘ సేవకురాలు

మరణ ఛాయలో నడుస్తున్న సమయములో, నా ప్రార్థనకు జవాబుగా అనుదిన నిరీక్షణ నాకు దొరికింది.

నాతన్
సంఘ సేవకురాలు

దేవుడు నన్ను ఎంతగా ప్రేమిస్తున్నాడో మీ సందేశాలు నాకు తెలియజేశాయి.

సుసాన్
సంఘ సేవకురాలు

లక్ష్యం

ప్రతి జాతికీ బైబిల్ జ్ఞానం

ప్రజలు తమ ఉద్దేశాన్ని కనుగొనడానికి, ఆత్మీయంగా ఎదగడానికి, ఇతరుల జీవితాలను మార్చేలా సేవ చేయడానికి సహాయపడటమే పాస్టర్ రిక్ లక్ష్యం. తన బోధ మరియు పరిచర్య ద్వారా – ఉద్దేశముతో జీవించడానికి, ఉదారంగా ప్రేమించడానికి, ఈ లోకములో మార్పు తీసుకురావడానికి ఆయన ప్రతి ఒక్కరినీ సిద్ధపరుస్తారు.

అన్ని వనరులను చూడండి
ప్రతి జాతికీ బైబిల్ జ్ఞానం

మీ కథను పంచుకోండి

మీ ప్రయాణం ఇతరులకు ప్రేరణ

పాస్టర్ రిక్ వారెన్ బైబిలు బోధన మీ జీవితాన్ని ఎలా మలిచిందో, దేవుని వాక్యాన్ని ఆచరణలో పెట్టడానికి ఎలా సహాయపడిందో, లేదా దేవుడు మీ జీవితములో మార్పు తీసుకువచ్చిన క్షణం గురించి మాకు తెలియజేయండి. ప్రతి కథ విలువైనదే; అది మరొకరి విశ్వాస ప్రయాణములో ప్రోత్సాహాన్ని ఇవ్వగలదు.

ఇతరులకు ప్రేరణ ఇవ్వండి